ಶುಕ್ರವಾರ, ಆಗಸ್ಟ್ 16, 2013
ಫೊಟೋ ಜರ್ನಲಿಸ್ಟ್ ದಯಾ ಕುಕ್ಕಾಜೆ ಬಿಡುಗಡೆ
ಫೊಟೋ ಜರ್ನಲಿಸ್ಟ್ ದಯಾ ಕುಕ್ಕಾಜೆ ಬಿಡುಗಡೆ
ಮಂಗಳೂರು: ಅತ್ಯಾಚಾರ ಆರೋಪಕ್ಕೆ ಒಳಗಾಗಿ ಬಂಧಿತರಾಗಿದ್ದ ನ್ಯೂಸ್ ವೆಬ್‍ಸೈಟ್ ಛಾಯಾಚಿತ್ರಗ್ರಾಹಕ ದಯಾನಂದ ಕುಕ್ಕಾಜೆ ವಿರುದ್ಧ ಯುವ ತಿಯೊಬ್ಬಳು ದಾಖಲಿಸಿದ್ದ ದೂರು ಸುಳ್ಳೆಂದು ಸಾಬೀತಾದ ಹಿನ್ನೆಲೆಯಲ್ಲಿ ನಿನ್ನೆ ಸಂಜೆ ಅವರನ್ನು ಠಾಣಾ ಜಾಮೀ ನಿನ ಮೇಲೆ ಬಿಡುಗಡೆಗೊಳಿಸಲಾಗಿದೆ.
ನಗರದ ಮೂವರು ಫೊಟೋ ಜರ್ನಲಿಸ್ಟ್‍ಗಳ ಒತ್ತಡಕ್ಕೆ ಬಲಿಬಿದ್ದು ಯುವತಿ ದೂರು ಕೊಟ್ಟಿದ್ದಾಳೆ ಎನ್ನಲಾ ಗಿದ್ದು, ಇದನ್ನು ಸ್ವತಃ ಯುವತಿಯೇ ನ್ಯಾಯಾಧೀಶರ ಮುಂದೆ ಒಪ್ಪಿಕೊಂಡ ಕಾರಣ ಪ್ರಕರಣಕ್ಕೆ ಇತಿಶ್ರೀ ಹಾಡಲಾಗಿದೆ. ಕುಕ್ಕಾಜೆಯನ್ನು ಬಂಧಿಸಿದ ನಂತರ ಪೊಲೀಸರು ಇವರಿಬ್ಬರ ಮಧ್ಯೆ ಫೇಸ್ ಬುಕ್‍ನಲ್ಲಿ ನಡೆದಿರುವ ಚಾಟಿಂಗ್‍ಗಳ ಬಗ್ಗೆ ಮಾಹಿತಿ ಕಲೆ ಹಾಕಿದ್ದಾರೆ. ಲ್ಯಾಪ್‍ಟಾಪ್ ಮತ್ತು ಮೊಬೈಲ್‍ಗಳನ್ನು ಜಾಲಾಡಿದ್ದಾರೆ. ಆದರೆ ಎಲ್ಲೂ ಕೂಡ ಯಾವುದೇ ರೀತಿಯ ಬೆದರಿಕೆ ಸಂದೇಶಗಳು ಕಂಡುಬಂದಿಲ್ಲ ಎನ್ನ ಲಾಗಿದೆ. ಈ ಹಿನ್ನೆಲೆಯಲ್ಲಿ ದೂರು ನೀಡಿದ ಯುವತಿ ಮತ್ತು ಕುಕ್ಕಾಜೆ ಯನ್ನು ಪೊಲೀಸ್ ಕಮಿಷನರ್ ಹಾಗೂ ಎಸಿಪಿ ಸಮ್ಮುಖದಲ್ಲಿ ಸುದೀರ್ಘ ವಿಚಾರಣೆ ನಡೆಸಿದ್ದು, ಆರೋಪದಲ್ಲಿ ಹುರುಳಿಲ್ಲ ಎಂದು ಕಂಡುಬಂದಿದೆ. ಅಲ್ಲದೇ ತಾನು ಅತ್ಯಾಚಾರ ದೂರು ನೀಡಿಲ್ಲ, ನನ್ನಿಂದ ಸುಳ್ಳು ದೂರು ಕೊಡಿಸಲಾಗಿದೆ ಎಂದು ಹೇಳಿಕೆ ನೀಡಿ ವೈದ್ಯಕೀಯ ಪರೀಕ್ಷೆಯನ್ನೂ ಯುವತಿ ನಿರಾಕರಿಸಿ ದ್ದಾಳೆ. ಅಂತಿಮವಾಗಿ ಇವೆಲ್ಲದರ ಸತ್ಯಾಸತ್ಯತೆ ಅರಿತ ಪೊಲೀಸರು ಠಾಣಾ ಜಾಮೀನಿನ ಮೂಲಕ ದಯಾ ಕುಕ್ಕಾಜೆಯನ್ನು ಬಿಡುಗಡೆ ಗೊಳಿಸಿದ್ದಾರೆ.
ಇಡೀ ಪ್ರಕರಣದ ಅಸಲೀ ಕಥೆಯೇನು?
ಹೇಳಿ ಕೇಳಿ ದಯಾನಂದ ಕುಕ್ಕಾಜೆ ಮಂಗಳೂರಿನ ಪ್ರಸಿದ್ದ ಛಾಯಾಚಿತ್ರಗ್ರಾಹಕ. ಈಗಾಗಲೇ ಸಾಕಷ್ಟು ಪ್ರಶಸ್ತಿಗಳ ಜೊತೆಗೆ ಒಂದಷ್ಟು ಪ್ರದರ್ಶನಗಳನ್ನೂ ನೀಡಿ ಜಿಲ್ಲೆಯಲ್ಲಿ ಸಾಕಷ್ಟು ಹೆಸರು ಗಳಿಸಿಕೊಂಡವರು. ಆದರೆ ಇವರ ಈ ಜನಪ್ರಿಯತೆ ಸಹಿಸದ ವೃತ್ತಿ ವೈಷಮ್ಯ ಹೊಂದಿ ರುವ ಕೆಲ ಛಾಯಾಗ್ರಾಹಕರು ಹಲವು ದಿನಗಳ ಹಿಂದೆಯೇ ಇಂಥದ್ದೊಂದು ಮಾನಹಾನಿಯ ಯೋಜನೆ ರೂಪಿ ಸಿದ್ದರು ಎನ್ನಲಾಗಿದೆ. ದಯಾನಂದ ಕುಕ್ಕಾಜೆಗೂ ಪೊಲೀಸರಿಗೆ ದೂರು ಕೊಟ್ಟ ಯುವತಿ ರೀನಾ ಫೆರ್ನಾಂ ಡಿಸ್(ಹೆಸರು ಬದಲಿಸಲಾಗಿದೆ)ಳಿಗೂ ಕಳೆದ ಕೆಲ ವರ್ಷಗಳ ಹಿಂದೆ ಫೇಸ್ ಬುಕ್‍ನಲ್ಲಿ ಪರಿಚಯವಾಗಿದೆ. ಈ ಪರಿಚಯ ಗೆಳೆತನಕ್ಕೆ ತಿರುಗಿದ್ದು, ಇಬ್ಬರೂ ಉತ್ತಮ ಸ್ನೇಹಿತರಾಗಿದ್ದರು ಎನ್ನಲಾಗಿದೆ. ಆದರೆ ಈ ವಿಚಾರ ಕೆಲ ದಿನಗಳ ಹಿಂದೆ ವೆಬ್‍ಸೈಟ್‍ನ ಕ್ರೈಸ್ತ ಪತ್ರಕರ್ತನೊಬ್ಬನಿಗೆ ತಿಳಿದು ಆತ ಆಕೆಯನ್ನು ಬ್ಲ್ಯಾಕ್‍ಮೇಲ್ ಮಾಡಿದ್ದಾನೆ (ಈತನಿಗೆ ಕುಕ್ಕಾಜೆಯೊಂದಿಗೆ ವೃತ್ತಿ ವೈಷಮ್ಯ ಇದೆ ಎನ್ನಲಾಗಿದೆ). ಕುಕ್ಕಾಜೆ ಯೊಂದಿಗೆ ಗೆಳೆತನ ಹೊಂದಿರುವ ಬಗ್ಗೆ ಮನೆಯವರಿಗೆ ತಿಳಿಸುವುದಾಗಿ ಬೆದರಿಕೆ ಒಡ್ಡಿದ್ದಾನೆ ಎನ್ನಲಾಗಿದೆ. ಅಲ್ಲದೇ ಈ ಬಗ್ಗೆ ಉಳಿದ ಇಬ್ಬರು ಫೋಟೋ ಜರ್ನಲಿಸ್ಟ್‍ಗಳೊಂದಿಗೆ ಸೇರಿಕೊಂಡು ಯುವತಿಯಲ್ಲಿ ಕುಕ್ಕಾಜೆ ವಿರುದ್ಧ ಬ್ಲ್ಯಾಕ್‍ಮೇಲ್ ದೂರು ದಾಖ ಲಿಸುವಂತೆ ಬೆದರಿಸಿದ್ದಾರೆ.
ಇದರಿಂದ ವಿಚಾರ ಮನೆಯಲ್ಲಿ ತಿಳಿದು ರಾದ್ಧಾಂತವಾಗುವುದು ಬೇಡ ಅಂದುಕೊಂಡ ಯುವತಿ ವಿಚಲಿತ ಗೊಂಡಿದ್ದು, ಬ್ಲ್ಯಾಕ್‍ಮೇಲ್ ದೂರು ದಾಖಲಿಸಲು ಒಪ್ಪಿಕೊಂಡಿದ್ದಾಳೆ. ಅದರಂತೆ ಈ ಮೂವರು ಫೋಟೋ ಜರ್ನಲಿಸ್ಟ್‍ಗಳು ಯುವತಿಯ ಮೂಲಕ ಕುಕ್ಕಾಜೆ ಮೇಲೆ ಕೇಸು ದಾಖಲಿಸಿದ್ದಾರೆ.
ಅಲ್ಲದೇ ಕೇಸು ದಾಖಲಾದ ಕೆಲವೇ ಘಂಟೆಯಲ್ಲಿ ಕುಕ್ಕಾಜೆಯನ್ನು ಬಂಧಿಸು ವಂತೆ ಪೊಲೀಸರಿಗೂ ಒತ್ತಡ ಹಾಕಿದ್ದಾರೆ ಎನ್ನಲಾಗಿದೆ. ಇದೀಗ ಕುಕ್ಕಾಜೆ ಬಿಡುಗಡೆ ಗೊಂಡಿದ್ದರೂ ವಿಚಾರಣೆ ಮುಂದುವರೆಯಲಿದೆ.
ಸಹೋದ್ಯೋಗಿ ಫೋಟೋ ಜರ್ನಲಿಸ್ಟ್‍ಗಳ ಷಡ್ಯಂತ್ರ!
ಇದೀಗ ಈ ಇಡೀ ಪ್ರಕರ ಣದಲ್ಲಿ ನಗರದ ಮೂವರು ಛಾಯಾಚಿತ್ರಗ್ರಾಹಕರು ಕೈಯಾ ಡಿಸಿರುವುದು ಬೆಳಕಿಗೆ ಬಂದಿದೆ. ಇವರಲ್ಲಿ ಓರ್ವ ಮಹಿಳಾ ಫೋಟೋಗ್ರಾಫರ್ ಕೂಡ ಸೇರಿದ್ದಾರೆ ಎನ್ನಲಾಗಿದೆ. ಒಂದು ರಾಜ್ಯಮಟ್ಟದ ಪತ್ರಿಕೆ ಸೇರಿದಂತೆ ವೆಬ್‍ಸೈಟ್‍ನ ಇಬ್ಬರು ಫೋಟೋ ಜರ್ನಲಿಸ್ಟ್‍ಗಳು ಕೆಲದಿನಗಳ ಹಿಂದೆಯೇ ಈ ಸಂಬಂಧ ಯೋಜನೆ ರೂಪಿಸಿದ್ದರು. ಇವರಲ್ಲಿ ಓರ್ವ ಛಾಯಾಗ್ರಾಹಕ ಮೂರು ದಿನಗಳಿಂದ ಪಾಂಡೇಶ್ವರ ಠಾಣೆಗೆ ಹೋಗಿಬರುತ್ತಿದ್ದು, ತನ್ನ ಪ್ರಭಾವವನ್ನು ಉಪಯೋಗಿಸಿ ಪೊಲೀಸರಿಗೂ ಒತ್ತಡ ಹಾಕಿದ್ದರು ಎಂದು ತಿಳಿದುಬಂದಿದೆ. ಅಲ್ಲದೇ ದಯಾನಂದ ಕುಕ್ಕಾಜೆಯನ್ನು ಪೊಲೀಸರು ಬಂಧಿಸಲು ಬಂದಾ ಗಲೂ ಆತ ಪೊಲೀಸರ ಜೊತೆಗೆ ಬಂದಿದ್ದ ಎಂಬ ಮಾಹಿತಿಯೂ ಇದೆ.
ಕನ್ನಡ ಬಾರದ ಯುವತಿಯಲ್ಲಿ ಸುಳ್ಳು ದೂರು ಕೊಡಿಸಿದರು!
ಈ ಇಡೀ ಪ್ರಕರಣದಲ್ಲಿ ನಗರದ ಮೂವರು ಛಾಯಾಚಿತ್ರ ಪತ್ರಕರ್ತರ ಅಸಲಿಯತ್ತು ಬಯಲಿಗೆ ಬಂದಿದೆ. ಕ್ರೈಸ್ತ ಪತ್ರಕರ್ತನ ಬೆದರಿಕೆಗೆ ಮಣಿದು ಯುವತಿ ದೂರು ನೀಡಲು ಮುಂದಾದಳಾದರೂ ಪ್ರಕರಣ ಇಷ್ಟೊಂದು ಗಂಭೀರ ಸ್ವರೂಪಕ್ಕೆ ತಲುಪುತ್ತದೆ ಎಂಬ ಬಗ್ಗೆ ಆಕೆಗೂ ಗೊತ್ತಿರಲಿಲ್ಲ. ಅಲ್ಲದೇ ಯುವತಿಯಲ್ಲಿ ಕೇವಲ ಬ್ಲ್ಯಾಕ್‍ಮೇಲ್ ದೂರು ಎಂದು ಹೇಳಿದ್ದ ಆ ಮೂವರು ಫೋಟೋ ಜರ್ನಲಿಸ್ಟ್‍ಗಳು ದೂರಿನ ಪ್ರತಿಯಲ್ಲಿ ಅತ್ಯಾಚಾರ ಎಂಬುದನ್ನು ಕೂಡ ದಾಖಲಿಸಿದ್ದಾರೆ. ಆದರೆ ಯು ವತಿಗೆ ಕನ್ನಡ ಬಾರದ ಕಾರಣ ಅದನ್ನು ಓದಿ ತಿಳಿದುಕೊಳ್ಳಲು ಸಾಧ್ಯವಾಗಿಲ್ಲ. ಹಾಗಾಗಿ ಆಕೆ ಕೂಡ ಹಿಂದು-ಮುಂದು ನೋಡದೇ ದೂರಿನ ಪ್ರತಿಗೆ ಸಹಿ ಹಾಕಿದ್ದಾಳೆ. ಇದನ್ನು ಪಡೆದ ಪೊಲೀಸರು ಕೂಡ ಯಾವುದೇ ರೀತಿಯ ವಿಚಾರಣೆ ನಡೆಸದೆ ಒತ್ತ ಡಕ್ಕೆ ಬಿದ್ದು ದೂರು ದಾಖಲಾದ ಕೆಲವೇ ಘಂಟೆಗಳಲ್ಲಿ ಕುಕ್ಕಾಜೆಯನ್ನು ಬಂಧಿಸಿದ್ದರು.
ಮಂಗಳೂರು ಪತ್ರಕರ್ತರಲ್ಲಿ ಗ್ರೂಫಿಸಂ!
ದಯಾಕುಕ್ಕಾಜೆ ಪ್ರಕರಣದ ನಂತರ ಮಂಗಳೂರು ಪತ್ರಕರ್ತರಲ್ಲಿ ಬೇರುಬಿಟ್ಟಿರುವ ಗ್ರೂಫಿಸಂ ಬೀದಿಗೆ ಬಂದಿದೆ. ವೃತ್ತಿ ವೈಷಮ್ಯವನ್ನು ತೀರಿಸಿ ಕೊಳ್ಳುವ ಸಲುವಾಗಿ ವೈಯಕ್ತಿಕ ಮಾನಹಾನಿಗೆ ಇಳಿಯುವ ಮೂಲಕ ಜಿಲ್ಲೆಯ ಮೂವರು ಪತ್ರಕರ್ತರು ಮುಖಮುಚ್ಚಿಕೊಳ್ಳುವಂತಾಗಿದೆ. ಈ ಮಧ್ಯೆ ಸೀನಿ ಯರ್-ಜೂನಿಯರ್ ಎಂಬ ಮಾನದಂಡದ ಆಧಾರದಲ್ಲೂ ಪತ್ರಕರ್ತರನ್ನು ತುಳಿಯುವ ಅಲಿಖಿತ ನಿಯಮವೊಂದು ಸದ್ದಿಲ್ಲದೇ ಎದ್ದು ನಿಂತಿದೆ. ಪ್ರಸ್ತುತ ದಯಾ ಕುಕ್ಕಾಜೆ ಪ್ರಕರಣದಲ್ಲೂ ಇಂಥದ್ದೇ ಕೆಲವೊಂದು ಆರೋಪಗಳು ಕೇಳಿಬಂದಿವೆ. ಜಿಲ್ಲೆಯಲ್ಲಿ ಕಾರ್ಯನಿರತ ಪತ್ರಕರ್ತರ ಸಂಘವೆಂಬುದು ಇದ್ದರೂ ಈ ಮಧ್ಯೆ ಒಂದೆರಡು ಸ್ವಘೋಷಿತ ಸಂಘಟನೆಗಳು ಕೂಡ ಕಾರ್ಯ ನಿರತವಾಗಿದೆ. ಇದರ ಜೊತೆಗೆ ದೃಶ್ಯ ಮಾಧ್ಯಮ ಮತ್ತು ಪತ್ರಿಕಾ ಮಾಧ್ಯಮ ಎಂಬ ಎರಡು ಸಂಘಟನೆಗಳು ಕೂಡ ಅಸ್ತಿತ್ವದಲ್ಲಿದೆ. ಇವಿಷ್ಟು ಪತ್ರಕರ್ತರ ಸಂಘ-ಸಂಸ್ಥೆಗಳ ವಿಚಾರವಾದರೆ ಇವರ ಮಧ್ಯೆ ಪತ್ರಕರ್ತರು ಕೂಡ ಗುಂಪು ಕಟ್ಟಿಕೊಂಡು ಬಹಿರಂಗವಾಗಿಯೇ ಕತ್ತಿಮಸೆಯುತ್ತಿದ್ದಾರೆ ಎನ್ನಲಾಗುತ್ತಿದೆ. ಅದರಲ್ಲೂ ಮುಖ್ಯವಾಗಿ ಫೋಟೋ ಜರ್ನಲಿಸ್ಟ್‍ಗಳ ಮಧ್ಯೆ ಎರಡು ಗುಂಪುಗಳಿದ್ದು, ಪತ್ರಿಕಾಗೋಷ್ಠಿಗಳಲ್ಲೇ ಸಾಕಷ್ಟು ಬಾರಿ ಬಹಿರಂಗ ಕಾದಾಟಕ್ಕೆ ಇಳಿದ ಒಂದಷ್ಟು ಉದಾಹರಣೆಗಳಿವೆ. ಅಲ್ಲದೇ ಕೆಲವೊಮ್ಮೆ ಪತ್ರಕರ್ತರ ಸಂಘವೂ ಈ ಬಗ್ಗೆ ತಲೆಕೆಡಿಸಿಕೊಳ್ಳುತ್ತಿಲ್ಲ ಎಂಬ ಆರೋಪಗಳಿವೆ. ಆದರೆ ಸಂಘದ ಅಧ್ಯಕ್ಷರ ಪ್ರಕಾರ ಜಿಲ್ಲೆಯಲ್ಲಿನ ಕೆಲ ಪತ್ರಕರ್ತರೇ ಪಕ್ಷಪಾತ ಧೋರಣೆ ಅನುಸರಿಸುತ್ತಿದ್ದು, ಒಬ್ಬರನ್ನು ಕಂಡರೆ ಒಬ್ಬರಿಗೆ ಆಗುತ್ತಿಲ್ಲ. ಹೀಗಿರುವಾಗ ನಮ್ಮ ಸಂಘದ ಮೇಲೆ ಗೂಬೆ ಕೂರಿಸುವುದು ಸರಿಯಲ್ಲ ಎನ್ನುತ್ತಿದ್ದಾರೆ. ಒಟ್ಟಿನಲ್ಲಿ ಮಂಗಳೂರು ಪತ್ರಕರ್ತ ವಲಯದಲ್ಲಿ ಬಹಿರಂಗ ಶೀತಲ ಸಮರಕ್ಕೆ ಕೊನೆ ಇಲ್ಲದಂತಾಗಿದೆ. ಪ್ರಸ್ತುತ ಕುಕ್ಕಾಜೆ ಪ್ರಕರಣದಲ್ಲೂ ಇದೇ ರೀತಿಯ ವೃತ್ತಿ ವೈಷಮ್ಯ ಕೆಲಸಮಾಡಿದ್ದು, ಇದು ಹೀಗೇ ಮುಂದುವರೆದರೆ ಮುಂದೊಂದು ದಿನ ಪತ್ರಕರ್ತರ ಮಾನ ಬೀದಿಗೆ ಬರುವುದರಲ್ಲಿ ಅನುಮಾನವೇ ಇಲ್ಲ ಎಂಬ ಮಾತು ಕೇಳಿ ಬಂದಿದೆ
ಭಾನುವಾರ, ಆಗಸ್ಟ್ 4, 2013
health and family welfare minister UT Khader meet @mumbai bilava bavana
health and family welfare minister UT Khader meet @mumbai bilava bavana
ಗುರುವಾರ, ಜೂನ್ 6, 2013
ಬುಧವಾರ, ಮೇ 8, 2013
Mangalore: Coastal voters snub BJP, jubilant Congress celebrates victory
Mangalore, May 8: During the last five years, the voters of Udupi and Dakshina Kannada districts have undergone a change of heart, going by the results of the assembly election held on Sunday May 5. Although the BJP appeared to have been prepared for some reverses, and bad news, the extent of drubbing has apparently shocked its workers and leaders.                                 In the 2008 election, for example, BJP had won eight out of the 13 seats in the twin-districts with the remaining five going to the Congress. This year however, the voters have chosen 11 Congress candidates, giving the balance two to the BJP. It may be noted that Puttur, which had been a BJP bastion, has fallen to the Congress,while Sullia continues to be retained by Angara of the BJP against general expectations. With the victory of Congress candidates, Khadar from Mangalore, and Ramanath Rai from Bantwal, both the seats are retained by the sitting MLAs. Out of 13 constituencies, five MLAs have been able to retain their seats ie Mangalore, Bantwal, Sullia, Moodbidri, and Beltangady. Out of them,Sullia is the only constituency retained by the BJP, with the rest going to the Congress. Two of the major victories for Congress came in the cities of Mangalore (South constituency) and Udupi. While newcomer J R Lobo defeated four-time BJP MLA Yogish Bhat comprehensively by a margin of 12,275 votes, Pramod Madhwaraj scored a massive victory over BJP's Sudhakar Shetty, winning by a margin of over 39,000 votes. There is allround jubilation in the Congress camp and victory processions are being held everywhere in the district. As before, no other party including JD(S) could make an impact on the electorate. Congress appears to have scored over the BJP because of the selection of better candidates, at least in some of these these constituencies, and the twin-districts are set to get two or three ministerial berths in the new ministry in the state. M.Arif Kalkatta |
ಸೋಮವಾರ, ಮೇ 6, 2013
ಶೇಕಬ್ಬನವರ ಕೃಷಿ ಮಾದರಿ
- ಶೇಕಬ್ಬನವರ ಕೃಷಿ ಮಾದರಿ
- ಪ.ರಾಮಕೃಷ್ಣ ಶಾಸ್ತ್ರಿ
ಕೃಷಿಯಿಂದ ದುರ್ಭಿಕ್ಷವಿಲ್ಲ ಎಂಬ ಮಾತಿಗೆ ಕಠಿನ ಕೃಷಿ ಪರಿಶ್ರಮಿ ಶೇಕಬ್ಬನವರ ಜೀವನೋತ್ಸಾಹ ಒಂದು ಅಪ್ಪಟ ಉದಾಹರಣೆಯಾಗಿದೆ.
ಮೂಲತಃ ಪುತ್ತೂರು ತಾಲೂಕಿನವರಾದ ಶೇಕಬ್ಬ 50ವರ್ಷಗಳ ಹಿಂದೆ ಕೃಷಿಯ ಮಾರ್ಗ ಹುಡುಕುತ್ತಾ ಬೆಳ್ತಂಗಡಿ ತಾಲೂಕಿನ ಕಾಪಿನಡ್ಕಕ್ಕೆ ಬಂದವರು. ಹುಲಿ ನೆಲೆಸಿದ್ದ ಉದಯಗಿರಿಯ ದಟ್ಟ ಕಾಡಿನ ಇಳಿಜಾರಿನಲ್ಲಿ ಸಮತಟ್ಟು ಮಾಡಿ ಅಡಕೆ, ತೆಂಗು, ರಬ್ಬರ್‌ ಬೆಳೆಸಿದ್ದು ಅವರ ಸಾಹಸಮಯ ಕೃಷಿ ಸಾಧನೆಗೆ ತಕ್ಕ ಸಾಕ್ಷಿ. 60 ದಾಟಿದ್ದರೂ ಹರಯದ ಉತ್ಸಾಹದಿಂದ ಅವರು ಈಗಲೂ ತೋಟದಲ್ಲಿ ದುಡಿಯುತ್ತಾರೆ. ಕೃಷಿಯಿಂದ ದುರ್ಭಿಕ್ಷವಿಲ್ಲ ಎಂಬ ಮಾತಿಗೆ ಶೇಕಬ್ಬರ ಜೀವನೋತ್ಸಾಹ ಅಪ್ಪಟ ಉದಾಹರಣೆ.
ದೀರ್ಘ‌ಕಾಲಿಕ ಬೆಳೆಗಳ ಜತೆಗೆ ಪ್ರತಿವರ್ಷ ತರಕಾರಿ ಬೆಳೆದು ಕೈತುಂಬಾ ಗಳಿಸಿ ಮನೆ ಖರ್ಚು ನಿಭಾಯಿಸುವ ಶೇಕಬ್ಬ ಕಾಡಿನ ನೆಲವನ್ನು ಸಮತಟ್ಟು ಮಾಡಿ ವೈವಿಧ್ಯಮಯ ತರಕಾರಿಗಳನ್ನು ಬೆಳೆಯು ತ್ತಾರೆ. ಧಾರಾಳವಾಗಿರುವ ನದಿ ನೀರು ಅವರ ಬೆಳೆಗಳಿಗೆ ತಂಪನ್ನೀಯುತ್ತಿದೆ. ಹೀಗಾಗಿ ಅವರಿಗೆ ನೀರಿನ ಕೊರತೆ ಇಲ್ಲ.
ಶೇಕಬ್ಬರ ಪ್ರಮುಖ ತರಕಾರಿ ಬೆಳೆಗಳು ಬಸಳೆಯು ನಾಟಿ ಮಾಡಿ ಚೆನ್ನಾಗಿ ಸಾಕಿದರೆ ಒಂದು ತಿಂಗಳಿನಲ್ಲೇ ಮಾರಾಟಕ್ಕೆ ಒದಗುತ್ತದೆ. ರೋಗ ಮತ್ತು ಕೀಟಬಾಧೆಯಿಲ್ಲ.ಬಸಳೆ ಎಷ್ಟಿದ್ದರೂ ಗಿರಾಕಿಯಿದೆ. ಹೀಗಾಗಿ ಲಾಭ ಬೇಕೆನ್ನುವವನಿಗೆ ಬಸಳೆಗಿಂತ ಸೂಕ್ತ ತರಕಾರಿ ಬೇರೊಂದಿಲ್ಲ ಎಂಬುದು ಅವರ ಅಭಿಮತ. ಹಾಗೆಯೇ ಬಿಳಿ ಬಣ್ಣದ ದಪ್ಪ ಗಾತ್ರದ ಬದನೆ ಬೆಳೆಯುತ್ತಾರೆ. ಇದರ ಗಿಡಗಳು ಬೇರೆ ಜಾತಿಗಿಂತ ಇಮ್ಮಡಿ ಎತ್ತರವಾಗಿ ಫಸಲೂ ಹೆಚ್ಚು ಸಿಗುತ್ತದೆ. ಕೊನೆಯಾಗುವವರೆಗೂ ಕಹಿಯಾಗದಿರುವುದು ಈ ಬದನೆಯ ವೈಶಿಷ್ಟÂ ಎನ್ನುತ್ತಾರೆ.
ರುಚಿಯಿಲ್ಲದ ಹೈಬ್ರಿಡ್‌ ತೊಂಡೆಕಾಯಿ ಮಾರಾಟದ ದೃಷ್ಟಿಯಿಂದ ಲಾಭಕರವಾದರೂ ಆರೋಗ್ಯಕರವಾದ ಊರ ತೊಂಡೆ ಬೆಳೆಯುವುದರಲ್ಲೇ ಶೇಕಬ್ಬರಿಗೆ ಆಸಕ್ತಿ. ತೊಂಡೆಯ ಅನೇಕ ಚಪ್ಪರಗಳು ಅವರಲ್ಲಿವೆ. ಗಾತ್ರದಲ್ಲಿ ಚಿಕ್ಕದು, ನೂರು ಕಾಯಿಗಳು ಎರಡೇ ಕಿಲೋ ತೂಗುತ್ತವೆ.ಆದರೆ ಇದಕ್ಕೆ ಅಧಿಕ ರುಚಿ ಹಾಗೂ ಅಧಿಕ ಬೇಡಿಕೆ. ಈ ತೊಂಡೆಕಾಯಿಗಳಿಗೆ ಕೆ.ಜಿ.ಗೆ 30 ರೂ. ವರೆಗೆ ಧಾರಣೆ ಇದೆ.
ಬೇಸಗೆಯಲ್ಲಿ ತೊಂಡೆ ಕಾಯಿಗಳ ಧಾರಣೆ 20 ರೂ.ಗೆ ಇಳಿದರೂ ವಾರದಲ್ಲಿ ಎರಡು ಸಲ ಕೊಯ್ಯಬಹುದು. ಗಳಿಕೆಯೂ ಅಧಿಕ ಎನ್ನುತ್ತಾರೆ ಶೇಕಬ್ಬ. ಇವರಿಗೆ ವಾರದಲ್ಲಿ 30 ಕೆ.ಜಿ. ಮಾರಾಟಕ್ಕೆ ಸಿಗುತ್ತಿದೆ. ಏಕಪ್ರಕಾರ ತೊಂಡೆಕಾಯಿ ಸಿಗಬೇಕಿದ್ದರೆ ಕಾಯಿ ಕೊಯಿದ ಕೂಡಲೇ ಬುಡಕ್ಕೆ ಸತ್ವಭರಿತ ಗೊಬ್ಬರ ಹಾಕುವ ಕ್ರಮ ತೀರ ಅಗತ್ಯವೆಂಬ ಗುಟ್ಟನ್ನು ಹೇಳುತ್ತಾರೆ. ಇದರ ಜತೆಗೆ ಹಾಗಲಕಾಯಿಯನ್ನೂ ಶೇಕಬ್ಬ ಬೆಳೆಯುತ್ತಾರೆ. ಯಾವ ಸಮಯದಲ್ಲೂ ಬೆಲೆ ಮತ್ತು ಬೇಡಿಕೆ ಇಳಿಯದ ತರಕಾರಿ ಇದು. ಹಾಗಲ ಬಳ್ಳಿಯ ಕೃಷಿ ತೀರ ಸರಳ. ರೋಗ ಬಾಧೆಯಿಲ್ಲ. ಬಳ್ಳಿ ಚೆನ್ನಾಗಿದ್ದರೆ 3 ತಿಂಗಳು ಏಕಪ್ರಕಾರ ಫಸಲು ಸಿಗುತ್ತದೆಂಬುದು ಅವರ ಅನುಭವ.
ಇನ್ನು ರೈತನ ಕೈಹಿಡಿಯುವ ಮುಖ್ಯ ಕೃಷಿಯೆಂದರೆ ವೀಳ್ಯದೆಲೆ ಎನ್ನುತ್ತಾರೆ ಶೇಕಬ್ಬ. ಅವರಲ್ಲಿ ಐವತ್ತು ಗೂಟ ವೀಳ್ಯದೆಲೆ ಬಳ್ಳಿಗಳಿವೆ. ವಾರದಲ್ಲಿ ಒಂದು ಪನ್ನಾಸ್‌ ಮಾರಾಟಕ್ಕೆ ದೊರಕುತ್ತದೆ. ಈಗ ವೀಳ್ಯದೆಲೆ ದರ ತೀರಾ ಕಡಿಮೆಯಾಗಿದೆ. ಪನ್ನಾಸಿಗೆ 300 ರೂ. ಮಾತ್ರವಿದೆಯಾದರೂ ಬೆಳೆಗಾರನಿಗೆ ನಷ್ಟವಿಲ್ಲವೆಂಬ ಸಂತƒಪ್ತಿಯೂ ಇವರಿಗಿದೆ. ಬಿಸಿಲು ಮತ್ತು ನೀರು ಧಾರಾಳವಾಗಿರುವಲ್ಲಿ ವೀಳ್ಯದೆಲೆಯಿಂದ ಲಾಭ ಹೆಚ್ಚೆನ್ನುತ್ತಾರೆ ಶೇಕಬ್ಬ.
ಶೇಕಬ್ಬ 2ದನಗಳನ್ನು ಸಾಕಿ ಹೈನುಗಾರಿಕೆಯನ್ನೂ ಮಾಡುತ್ತಾರೆ. ಅಡಕೆ ಫಸಲೂ ಚೆನ್ನಾಗಿದೆ. ತರಕಾರಿ ಕೃಷಿಗೆ ಅವರು ಹಟ್ಟಿ ಗೊಬ್ಬರ ಬಳಸುವುದು ಒಂದು ಸಲ ಮಾತ್ರ. ಇನ್ನುಳಿದಂತೆ ಅವರು ಮಾಡುವ ಪೋಷಣೆಯ ಬಗೆಯೂ ವಿಶಿಷ್ಟ. ಕಾಂಕ್ರೀಟಿನ ಒಂದು ತೊಟ್ಟಿ ಮಾಡಿದ್ದಾರೆ. ಅದರಲ್ಲಿ ಸೆಗಣಿಯನ್ನು ತೆಳ್ಳಗೆ ಕಲಸಿ ಅರ್ಧ ಕಿಲೋ ಪ್ರಮಾಣದಷ್ಟು ಸುಫಲಾ ರಸಗೊಬ್ಬರವನ್ನು ಮಿಶ್ರಗೊಳಿಸಿ 8ದಿನಗಳ ಕಾಲ ಅದರಲ್ಲೆ ಬಿಟ್ಟು ದಿನವೂ ಕಲಕುತ್ತಾರೆ. ಇದನ್ನು ಪ್ರತಿ ವಾರ ಬಸಳೆ, ವೀಳ್ಯದೆಲೆ ಇನ್ನಿತರ ತರಕಾರಿ ಗಿಡಗಳ ಬುಡಕ್ಕೆ ಮಿತ ಪ್ರಮಾಣದಲ್ಲಿ ಅದನ್ನೇ ಹಾಕುವುದು ಬಿಟ್ಟರೆ ಬೇರೆ ಏನೂ ಇಲ್ಲ. ಇಷ್ಟರಲ್ಲೇ ಫಸಲು ಧಾರಾಳವಾಗಿ ಸಿಗುತ್ತದೆ.
ಗಂಜಳವನ್ನು ಗಿಡಗಳಿಗೆ ಹಾಕುವ ಪದ್ಧತಿ ಒಳ್ಳೆಯದಲ್ಲವೆಂಬ ಮಾತು ಶೇಕಬ್ಬರದ್ದು. ಎರಡು ವಾರಕ್ಕೆ 10 ಕಟ್ಟು ಬಸಳೆಯೇ ಮಾರಾಟಕ್ಕೆ ಸಿಗುತ್ತದೆ. ಕಟ್ಟಿಗೆ 10 ರೂ. ಅಂಗಡಿಯವರು ಖರೀದಿಸುತ್ತಾರೆ. ಶೇಕಬ್ಬರಲ್ಲಿ ವಯಸ್ಸಾದ ಒಂದು ಲೂನಾವಿದೆ. ಸನಿಹದ ಪೆರೊಡಿತ್ತಾಯಕಟ್ಟೆಗೆ ಅದರಲ್ಲಿ ತರಕಾರಿ, ಬಸಳೆಕಟ್ಟು ಇರಿಸಿಕೊಂಡು ನಿಯಮಿತ ದಿನಗಳಲ್ಲಿ ಅವರು ಬರುವುದನ್ನೇ ವ್ಯಾಪಾರಿಗಳು ಕಾಯುವುದು ಇವರ ತರಕಾರಿಯ ಉತ್ತಮ ಗುಣಮಟ್ಟಕ್ಕೆ ತಾಜಾ ಉದಾಹರಣೆ.
ನಿತ್ಯ ಖರ್ಚಿಗೆ ತರಕಾರಿ ಮಾರಾಟದ ಲಾಭವೇ ಸಾಕಾಗುತ್ತದೆ.ಅಡಿಕೆಗೆ ಬೆಲೆ ಬರುವ ವರೆಗೂ ದಾಸ್ತಾನಿಡಲು ಸಾಧ್ಯವಾಗಿದೆಯೆಂದು ಇತರರಿಗೂ ತರಕಾರಿ ಕೃಷಿಯ ಲಾಭದತ್ತ ಬೆರಳು ತೋರುತ್ತಾರೆ ಶೇಕಬ್ಬ.
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ:
ಪೋಸ್ಟ್‌ಗಳು (Atom)