Kalkattapage.com

ಭಾವಾವೇಶ ಬೇಡ: ಅಭಿಮಾನಿಗಳಿಗೆ ಮಅದನಿ ಕರೆ

ಕೊಲ್ಲಂ,: ಸೆರೆಮನೆಯ ಕತ್ತಲೆಯಿಂದ ನ್ಯಾಯದ ಬೆಳಕಿನೆಡೆಗೆ ನಾನು ತಲುಪಿದರೂ ನಿರಾಶೆಯೋ ದುಃಖವೋ ನನಗಿಲ್ಲ ಎಂದು ಪಿಡಿಪಿ ಮುಖಂಡ ಅಬ್ದುನ್ನಾಸರ್ ಮಅದನಿ ಹೇಳಿದ್ದಾರೆ. ಕೊಟ್ಟಿಯಂ ಸುಮಯ್ಯಾ ಅಡಿಟೋರಿಯಂನಲ್ಲಿ  ನಡೆದ ಮಗಳು ಷಮೀರ ಜೌಹರ್‌ಳ ವಿವಾಹ ಕಾರ್ಯಕ್ರಮಕ್ಕೆ ನ್ಯಾಯಾಲಯದ ವಿಶೇಷ ಅನುಮತಿಯೊಂದಿಗೆ ಆಗಮಿಸಿದ ಸಂದರ್ಭದಲ್ಲಿ ಮಅದನಿ ಮಾತನಾಡಿದರು.ಕೇರಳದ ಸ್ನೇಹ ಹಾಗೂ ಸಂತೋಷದಲ್ಲಿ ಭಾಗವಹಿಸಲು  ಸಾಧ್ಯವಾದುದರಲ್ಲಿ ಸಂತಸವಿದೆ. ನನ್ನ ಮಾತಿನ ಬಗ್ಗೆ ನಿಮ್ಮ ಪ್ರತಿಕ್ರಿಯೆಗಳನ್ನು ಎಲ್ಲರೂ ಅವರವರ ಹೃದಯದಲ್ಲಿ ಅದುಮಿಡಬೇಕು. ನೀವು ತೋರಿಸುತ್ತಿರುವ ಅತಿಯಾದ ಭಾವಾವೇಶದಿಂದಾಗಿ ನಾನು ನಿಮ್ಮ ಬಳಿಗೆ ತಲುಪಲು ತಡವಾಗುವುದಕ್ಕೆ ಕಾರಣವಾಗಬಹುದು. ನ್ಯಾಯದ ಬೆಳಕಿನ ಹತ್ತಿರ ತಲುಪಲೂ ನನ್ನಿಂದ ಸಾಧ್ಯವಾಗುತ್ತಿಲ್ಲ ಎಂದು ಮಅದನಿ ಹೇಳಿದರು.

ಕೇಂದ್ರ ಸಚಿವ ಕೊಡಿಕುನ್ನಿಲ್ ಸುರೇಶ್, ಸಿಪಿಎಂ ರಾಜ್ಯ ಕಾರ್ಯದರ್ಶಿ ಪಿಣರಾಯಿ ವಿಜಯನ್, ಸಂಸದರಾದ ಇ.ಟಿ.ಮುಹಮ್ಮದ್ ಬಶೀರ್, ಎಂ.ಎ.ಷಾನವಾಝ್, ಪೀತಾಂಬರಕ್ಕುರುಪ್ಪ್, ಶಾಸಕರಾದ ಸಿ.ದಿವಾಕರನ್, ತೋಮಸ್ ಐಸಾಕ್, ಪಿ.ಕೆ.ಗುರುದಾಸನ್, ಕೋವೂರ್ ಕುಞ್ಞುಮೋನ್ ಮತ್ತಿತರರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

ಮಗಳ ವಿವಾಹ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಸಲುವಾಗಿ ಜಾಮೀನು ಪಡೆದ ಮಅದನಿ, ನಿನ್ನೆ ರಾತ್ರಿ 9:50ಕ್ಕೆ ಕರ್ನಾಟಕ ಪೊಲೀಸರ ಭದ್ರತೆಯಲ್ಲಿ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದರು. ಎರಡೂವರೆ ವರ್ಷದ ಬಳಿಕ ಮೊದಲ ಬಾರಿಗೆ ಕೇರಳಕ್ಕೆ ಆಗಮಿಸಿದ ಮಅದನಿಯನ್ನು ಸ್ವಾಗತಿಸಲು ನೂರಾರು ಪಿಡಿಪಿ ಕಾರ್ಯಕರ್ತರು ಘೋಷಣೆಯೊಂದಿಗೆ, ಭಾವುಕವಾಗಿ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದರು. ಮಾಧ್ಯಮದೊಂದಿಗೆ ಮಾತನಾಡುವುದನ್ನು ಮಅದನಿಗೆ ನಿರ್ಬಂಧಿಸಲಾಗಿದೆ.